Taylor Swift e riktheu muzikën e saj në të gjitha shërbimet “streaming”, gati tre vjet pasi u ankua publikisht se ato nuk i paguanin mjaftueshëm artistët, dhe në të njëjtën ditë që rivalja e saj Katy Perry publikoi albumin e ri, Swift, një prej yjeve më të suksesshme të pop-it, vuri këngët e saj në dispozicion në shërbime të tilla si Spotify, Pandora, Amazon.com dhe Tidal.
Më parë, katalogu i saj gjendej vetëm në shërbimin e Apple. Këngëtarja 27-vjeçare tërhoqi muzikën nga Spotify dhe të gjitha shërbimet “streaming” pasi shkroi një opinion në gazetën “Wall Street Journal”, ku pretendonte se pirateria e shpërndarja e pjesëve muzikore në rrjet kishin ndikuar në uljen drastike të shitjes së albumeve, transmeton tch.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Gjërat me vlerë duhet të paguhen, muzika nuk duhet të jetë falas”, tha në atë kohë. Vendimi koinçidoi me daljen në treg të “Witness”, albumi i ri i Katy Perry, rivalja e Swift në industrinë pop, por gjithashtu edhe në jetën personale.
Singelli “Bad Bood”, i publikuar nga Swift në 2014, u pa si një dedikim për Perryn, ndërsa këngëtarja e “Firework” ka pranuar së fundmi se ato të dyja nuk ishin shoqe. Edhe Perry duket se i ka kushtuar një këngë konfliktit me Swift në albumin e saj te ri, e titulluar “Swish Swish”, një duet me Niki Minaj.