Rita Ora është këngëtarja e radhës me prejardhje kosovare e cila u bë pjesë e emisionit “The Tonight Show: At Home Edition”.
Bukuroshja 29-vjeçare ishte ftuar nga prezantuesi i këtij shou, Jimmy Fallon, që ta performoj këngën e saj të fundit “How To Be Lonely”, transmeton Koha.
Ora e solli një interpretim virtual fantastik të këtij hiti, e shoqëruar vetëm nga një kitarist dhe dy këngëtaret vokaliste. Kështu, këngëtarja arriti të përçojë më shumë emocion të kësaj kënge e cila flet për humbjen e dashurisë.
Performanca e Rita Orës, tashmë është publikuar në kanalin zyrtarë të emisionit shumë të ndjekur në YouTube.
Para pak ditësh ishte Dua Lipa, ajo e cila e solli një version të saj të këngës “Break My Heart”, e cila u mirëprit nga fansat e saj anembanë botës dhe u klikua më shumë se 1.6 milion njerëz.
Së fundmi bukuroshja Rita Ora, përmes Instagramit e bëri të ditur se i është bashkuar listës së yjeve të cilët do të pefofmrojnë në koncertin virtual, “One World: Together At Home”, ku theksoi se koncerti do të jetë edhe si shenjë falënderimi për punonjësit shëndetësorë.
Edhe
Kënga e re e Rita Orës
Kjo ngjarje organizohet nga Lady Gga në bashkëpunim me “Global Citizen”, dhe ka për qëllim ndalimin e përhapjes së COVID-19 dhe mbledhjen e të holla për të prekur nga kjo sëmundje vdekjeprurëse.
Në koncertin virtual “One World: Together At Home” i cili mbahet më 18 prill, deri më tani e kanë konfirmuar pjesëmarrjen e tyre yje të tillë si: Billie Eilish, David Beckham, John Legend, Idris Elba dhe të tjerë.
