Ylli i hitit “Praising You”, Rita Ora, la përshtypje të jashtëzakonshme derisa e hijeshoi skenën gjatë ceremonisë përmbyllëse të ngjarjes, “Invictus Games”, në Gjermani.
Performanca e saj ishte një moment i veçantë i mbrëmjes, që u karakterizua me stilin e saj unik dhe energjinë pozitive.
Ora i shfaqi linjat trupore të tonifikuara e veshur me një kostum të zi, të cilit nuk i mungonte as glamuri. Më vonë gjatë mbrëmjes ajo ndryshoi pamje, duke u shfaqur me një fustan elegant.
Në prapaskenë ajo u takua edhe me Princin Harry dhe dukeshën e Sussexit, Meghan Markle.
Ngjarja “Invictus Games” ka një rëndësi të jashtëzakonshme pasi mbështet personelin e plagosur apo sëmurë të ushtrisë dhe veteranët nga vende të ndryshme, në rikuperimin e tyre përmes sporteve konkurruese të adaptuara.
Princi Harry e themeloi këtë ngjarje për të ofruar një platformë sportive për ushtarët e dëmtuar, duke theksuar rëndësinë e mirëqenies fizike dhe mendore.
Prezenca e Rita Orës ishte një nga pjesët kryesore të ceremonisë përmbyllëse, me ç’rast ajo e solli një performancë të mrekullueshme të gjashtë prej hiteve të saja muzikore.
Përgatiti: Edona Binaku
{gallery}