Besohet se ylli i muzikës R&B, Rihanna, i ka incizuar dy këngë të reja për filmin e ardhshëm, “Black Panther: Wakanda Forever”.
Albumi i tetë i këngëtares i incizuar në studio, “Anti”, doli në treg në vitin 2016 dhe nga atëherë, Riri i ka ngacmuar fansat me publikimin e materialeve të reja muzikore.
Megjithëse ende nuk është konfirmuar ndonjë datë e lansimit të albumit të ri të këngëtares, adhuruesit do të kenë mundësi ta shijojnë performancën e saj në kampionatin e futbollit amerikan, “Super Bowl”, në shkurt të vitit të ardhshëm.
Dhe sipas portalit “HITS Daily Double”, bëhet e ditur se ylli i hitit “Diamonds” i ka incizuar disa këngë të reja, të cilat pritet të përfshihen në filmin e ardhshëm të studios “Marvel” që lansohet nëpër kinema më 11 nëntor të këtij viti, “Black Panther: Wakanda Forever”.
Edhe
Rihanna pritet ta shënojë rikthimin në muzikë këtë javë
? Rihanna has recorded two new songs for the upcoming ‘Black Panther: Wakanda Forever’ soundtrack, @HITSDD reports. pic.twitter.com/eKX3LbE0Zs
— Pop Crave (@PopCrave) October 17, 2022
Ndërkaq, gazetari i së përditshmes “New York Times”, Kyle Buchanan, po ashtu deklaroi se një prej këtyre këngëve do të shërbejë si kolonë zanore e filmit.
“Thashethemet po qarkullojnë dhe unë kam dëgjuar prej javësh që, Rihanna, është duke e incizuar kolonën zanore të filmit ‘Black Panther: Wakanda Forever’. Mënyra më e mirë për ta tejkaluar suksesin e këngës së filmit të kaluar “All the Stars”, është duke e angazhuar e përfshirë këngën e parë të Rihannas në këto vjetët e fundit”.
Studioja “Marvel” dhe këngëtarja miliardere nga Barbadosi, ende nuk i kanë konfirmuar këto thashetheme.
Sa i përket performancës në “Super Bowl”, Rihanna tha se po ndihet nervoze por edhe shumë e emocionuar për këtë shou. Ngjarja më e ndjekur në Amerikë mbahet më 12 shkurt 2023, në stadiumin “State Farm” të Arizonas. Ky do të jetë viti i parë ku “Apple Music” shërben si sponsor i koncertit madhështor, në vend të partnerit të kamotshëm të NFL-it, “Pepsi”.
Edhe
Rihanna krijon “ndasi” në mes fansave pas publikimit të videoklipit të parë pas tre vitesh
Në trailerin e shumëpritur të filmit. “Black Panther: Wakanda Forever”, publiku prezantohet me personazhin e lig të quajtur Namor si dhe personin e ri që do ta vesh kostumin e superheroit, Black Panther.
Aktorët që i përsërisin rolet e tyre në vazhdimin e dytë të këtij projekti janë, Angela Bassett, Letitia Wright, Lupita Nyong’o, Winston Duke dhe Danai Gurira.
