Aktori francez Gerard Depardieu nuk do të përballet me ndjekje penale lidhur me akuzat për përdhunim për shkak të mungesës së dëshmive.
Prokurorët në Paris e filluan hetimin e yllit të “Green Card” në gushtin e kaluar (2018) pasi aktorja dhe autorja 22-vjeçare, emri i së cilës nuk është bërë publik, pretendonte që Depardieu e kishte sulmuar seksualisht dy herë në njërën nga shtëpitë e tij në kryeqytetin francez.
Avokati i 70-vjeçarit, Herve Temime, i kishte mohuar akuzat si të "pabazuara" ndërsa tani është zbuluar se rasti është hedhur poshtë zyrtarisht, shkruan KOHA Ditore.
Të martën (4 qershor) autoritetet njoftuan se kishin refuzuar ta shqyrtonin çështjen pasi "hetime të shumta" dështuan të tregonin se ishte kryer ndonjë krim i tillë, raporton The Associated Press.
Përfaqësuesi i Depardieu ende nuk ka komentuar për lajmin.
-
Gerard Depardieu do të përballet me gjyq për pretendimet për sulm seksual
-
Gerard Depardieu në paraburgim për shkak të pretendimeve për ngacmim seksual
-
Aktori i famshëm francez Depardieu po përballet me akuza për përdhunim
-
Aktori i famshëm Depardieu akuzohet për përdhunim nga një 22-vjeçare
-
Çfarë nënkupton dënimi i Gérard Depardieu për Francën