Akademia e ndarjes së çmimeve prestigjioze për film ka bërë të ditur të enjten rregullat e reja për “Oscarin”, në kuadër të së cilave do të lejohet që filmat e shfaqur nëpër kinematë me vetura të kualifikohen për kategoritë e fotografisë më të mirë dhe atë të përgjithshëm.
Këto rregulla janë zbatuar pas vendimit të Akademisë marrë në prill për ta lejuar konkurrimin e filmave që nuk janë publikuar në kinematë, për aq kohë sa janë ngarkuar në rrjetin e “Academy Screening Room”, shkruan BBC.
Ngjarja prestigjioze e ndarjes së çmimeve “Oscar” e vitit të ardhshëm është shtyrë deri më 25 prill, si pasojë e pandemisë COVID-19, transmeton KOHA.
Dita e fundit për aplikimet e filmave është 28 shkurti.
“Me hapjen graduale të teatrove, ishte shtuar një aneks i ri për të qartësuar dy metodat për kualifikim për fotografinë më të mirë dhe kategoritë e përgjithshme hyrëse”, kanë thënë organizatorët në një qëndrim të shprehur në revistën “Variety”.
Edhe
Ceremonia “Oscar” pëson sërish ndryshime
Kinematë në ambiente të hapura, ku adhuruesit mund t’i shikojnë filmat e parapëlqyer të ulur përbrenda veturave të tyre, kanë traditë të gjatë në Shtetet e Bashkuara të Amerikës dhe kjo mënyrë është shfaqur si më se e dobishme në kohën e pandemisë. Të tilla kinema janë hapur gjatë muajve të fundit edhe në Britaninë e Madhe, përderisa shumë kinema të zakonshme po luftojnë për t’i mbajtur dyert hapur.
Këtë javë “Cineworld” ka vendosur që t’i mbyllë dyert deri në pranverë, pas lajmeve se filmi më i ri i sagës me agjentin 007, James Bond, do të shtyhet përsëri.
