Aktorja amerikane, Olivia Munn, ka zbuluar se ishte diagnostikuar me kancer të gjirit vitin e kaluar dhe ka pasur katër operacione në dhjetë muajt e fundit.
Në një postim në Instagram, ylli 43-vjeçar i Newsroom ka thënë se operacionet e saj përfshinin një mastektomi të dyfishtë, raportoi BBC.
Munn ka thënë se kanceri ishte "agresiv" dhe "i shpejtë", por u kap “me kohë”.
Ajo ka sqaruar se donte “ t’i kalonte pjesët më të vështira përpara se të ndante lajmin”.
Njoftimi për gjendjen e Munn vjen tre ditë pasi ajo mori pjesë në Oscars me bashkëshortin e saj, komedianin, John Mulaney. Ata kanë djalin dyvjeçar Malcolm.
Aktorja, e cila është shfaqur në Magic Mike, Iron Man 2 dhe X-Men: Apocalypse, ka thënë se mësoi për kancerin pasi kishte testuar për 90 gjene të ndryshme të kancerit dhe kishte shkuar për një mamografi.
Edhe pse ato teste ishin negative, Munn ka thënë se doktori i saj përcaktoi "pikën e saj të vlerësimit të rrezikut të kancerit të gjirit" - që më vonë çoi në teste të mëtejshme duke përfshirë një biopsi, e cila tregoi se kishte kancer Luminal B në të dy gjinjtë.