“No Time To Die” e Billie Eilishit është bërë e dyta në histori, nga kolonat zanore të franshizës “James Bond”, që arrin klasifikimet kryesore në renditjet britanike.
Sam Smith, në vitin 2015 mban suksesin tjetër të agjentit “007”, kur “Writing’s On The Wall” nga filmi “Spectre” arriti majat. Eilish, që mbushi 18 vjeç në dhjetor, është ndërkohë artistja më e re që ka regjistruar ndonjëherë një kolonë zanore për serinë e filmave të agjentit Bond.
Ylli performoi “live” këngën “No Time To Die” për të parën herë këtë javë, në ceremoninë e “Brit Awards”, në Londër. Ajo, po ashtu, rrëmbeu në këtë ceremoni edhe çmimin si “Këngëtarja Më e Mirë Femër e Vitit”.
Kënga “No Time To Die” ka momentalisht më shumë se 10.6 milionë shikime dhe është shitur në mbi 90 mijë kopje. Kjo e bën atë këngën më të dëgjuar të vitit dhe po ashtu këngën e serisë Bond më të shitur në javën e debutimit.
Episodi final i Daniel Kreigut në petkat e agjentit britanik më të famshëm sekret do të dalë në kinematë botërore në muajin prill./tch
-
Billie Eilish hipnotizon me zërin melankolik në “The Tonight Show”
-
Billie Eilish jep detajet e para për kolonën zanore të filmit “No Time To Die”
-
Drejtuesit e BRIT Awards shpresojnë që Billie Eilish do ta debutojë këngën e James Bondit në ceremoni
-
Billie Eilish do ta regjistrojë kolonën zanore të filmit më të ri për James Bondin
-
Billie Eilish do të debutojë si aktore në një film të madh