Nicole Kidman vazhdon xhirimet e serisë së re

Nicole Kidman u fotografua duke xhiruar skena për serialin e ri “Expats” në Hong-Kong të hënën. Aktorja australiane, 54-vjeçare, po fliste e buzëqeshur me stafin në një dyqan veshjesh, duke kërkuar sende jashtë para se të dilte për të blerë disa nga një ndihmës dyqani. Ajo ishte në humor të mirë teksa po i filmonte skenat, me një këmishë të zezë dhe pantallona ngjyrë bezhë. Nicole kishte pak grim në fytyrë dhe i kishte flokët e kuq në një stil gjysmë lart, gjysmë poshtë.

Ajo e mbante një maskë në fytyrë, teksa merrte udhëzime nga ekuipazhi, para se ta hiqte gjatë xhirimeve. “Expats” bazohet në romanin e Janice Y.K. Lee, “The Expatriates”, dhe paraqet jetën e gjallë dhe ekstravagante të një komuniteti të pasur të huaj. Udhëtimi i Nicole për të filmuar në Hong-Kong u prit me reagime të ashpra nga fansat, pasi qeveria lokale e përjashtoi nga rregullat e detyrueshme të karantinës për të filmuar serinë e re televizive. Nicole fluturoi nga Sidnei në Hong-Kong me avion privat më 12 gusht para xhirimit të serialit të ri dhe po qëndron në një vilë; me qira në qarkun Peak të qytetit.

Sidoqoftë, ajo nxiti polemika dy ditë më vonë pasi u shfaqën fotot e Nicolet duke bërë pazar në një butik në rrethin qendror të qytetit me truprojën e saj. Hong-Kongu urdhëron që udhëtarët ndërkombëtarë duhet të izolohen për shtatë ditë pas mbërritjes. Sidoqoftë, qeveria e Hong-Kongut ka konfirmuar se ka hequr dorë nga këto rregulla të ashpra të karantinës për Kidmanin. Në një deklaratë për HK01, Byroja e Tregtisë dhe Zhvillimit Ekonomik e Hong-Kongut ka thënë se Kidman është liruar nga karantina e detyrueshme “për të kryer punë të caktuar profesionale”. Për këtë arsye, Nicolet iu kërkua të vaksinohej kundër Covid-19, të qëndronte në një 'vendbanim të caktuar', të testohej rregullisht për virusin dhe të siguronte 'itinerare të lidhura me punën', sipas “Dimsumdaily” në Hong-Kong. Lajmi për përjashtimin e Kidmanit shkaktoi reagime të ashpra në mediat sociale, ku disa vendas të Hong-Kongut u ankuan për "standardin e dyfishtë" të dukshëm që gëzonte vizitori i famshëm. "Është mirë të dihet se Nicole Kidman nuk është aspak mercenare dhe qëndron me njerëzit e Hong-Kongut”. Një person ka thënë: "Fakti që Nicole Kidman po e xhiron serialin “Expats” pa karantinë tashmë tregon privilegjin e të huajve në Hong-Kong”.

Largimi i Nicolet nga Sidnei vjen teksa qyteti po vazhdon ta luftojë variantin e vazhdueshëm Delta të Covid-19. Të hënën NSW-ja ka regjistruar 818 raste të reja me Covid-19. NSW-ja është një javë para afatit për të administruar 6 milionë vaksina deri në fund të gushtit, duke rritur shpresat se bllokimi mund të hiqet më shpejt, pavarësisht numrit në rritje të rasteve.