Grupi i famshëm i zhanrit “heavy metal”, “Metallica”, është detyruar ta shtyjë koncertin e paraparë të mbahet të dielën në Phoenix, pasi që vokalisti James Hetfield ka rezultuar pozitiv me COVID-19, njofton CNN.
“Na vjen shumë keq të njoftojmë se koncerti i paraparë të mbahej në ‘State Farm Stadium’ është shtyrë për të shtunën, 9 shtator, 2023, pasi fatkeqësisht, James ka rezultuar pozitiv me COVID. Jemi shumë të dëshpëruar dhe na vjen keq për çdo shqetësim që kemi shkaktuar”, është thënë në njoftimin e grupit në platformën “X”.
Shfaqja ishte paraparë të mbahej sonte. Bendi aktualisht është në turne në SHBA dhe po mban nga dy koncerte në çdo qytet.
Rastet me COVID-19 janë rritur në SHBA këtë verë.
Artikuj të ngjashëm
-
Efekti potencial i vendimit në Hagë shtyn edicionin e Festivalit të Jazzit
-
Lady Gaga anulon koncertin për shkaqe shëndetësore
-
Jessie J detyrohet të anulojë koncertet për shkak të një operacioni të dytë nga kanceri i gjirit
-
Zayn Malik shtyn turneun në SHBA për shkak të vdekjes së Liam Payne
-
Bideni rezulton pozitiv për COVID-19