Çifti i famshëm i showbizit, Kylie Jenner dhe Travis Scott, po mbështeten tek njëri-tjetri teksa po bëhen gati për ardhjen në jetë të fëmijës së tyre të dytë.
Ylli televiziv e afaristja 24-vjeçare, Jenner dhe reperi 30-vjeçar, Scott, aktualisht po kalojnë shumë koha së bashku dhe reperi i famshëm po mundohet në maksimum të jetë sa më përkrahës ndaj partneres së tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë burim i afërt i çiftit për revistën “Us Weekly” ka deklaruar: “Kylie dhe Travis kanë qëndruar larg syrit të publikut dhe po kalojnë sa më shumë kohë me njëri-tjetrin në shtëpi. Ata po i bëjnë përgatitjet e fundit për ardhjen në jetë të fëmijës së dytë. Travis ka qenë shumë i gatshëm për ta ndihmuar Kylien gjatë gjithë shtatzënisë, por tani po tregohet edhe më i përkushtuar ndaj familjes”.
Jenner e cila tashmë është nënë e vajzës 3-vjeçare, Stormi, po e shijon vërtetë kohën që po e kalon me familjen e saj. Asaj i pëlqen të qëndrojë në shtëpi, prej ku e drejton biznesin dhe argëtohet me të bijën.
Bukuroshja zeshkane është afruar drejt datës së lindjes, derisa ende nuk e ka zbuluar gjininë e foshnjës së dytë.
Scott vazhdon të jetë i tronditur nga tragjedia e fundit që ndodhi në koncertin e tij, si pjesë e festivalit “Astroworld”, ku mbetën të vdekur 10 persona dhe qindra të tjerë pësuan lëndime. Reperi i suksesshëm amerikan po ashtu po përballet me disa padi ligjore të ngritura kudër tij, nga familjarët e viktimave dhe personave të prekur nga kjo ngjarje.