Kanye West duket se më në fund është i gatshëm ta finalizojë shkurorëzimin me ish-bashkëshorten, Kim Kardashian.
Sipas dokumenteve gjyqësore të siguruara nga “Page Six”, reperi i cili ka krijuar akademinë muzikore "Donda", ka paraqitur një "deklaratë zbulimi", e cila zakonisht bëhet kur një çështje divorci është në prag të zgjidhjes.
Dokumentet tregojnë gjithashtu se 45-vjeçari ia ka dërguar të gjitha informacionet e tij financiare yllit të reality-showit.
Ndërsa ish-çifti ka rënë dakord se si të ndajë perandorinë shumë miliardë dollarëshe, nuk ka asnjë tregues për arritjen e një marrëveshjeje për kujdestarinë e katër fëmijëve: North, 9 vjeç, Saint, 6 vjeç, Chicago, 4 vjeç dhe Psalm, 3 vjeç. Kjo mund të jetë një betejë e vështirë për Kardashianin.
Pavarësisht se ai dhe Kardashian, e cila paraqiti kërkesën për shkurorëzim nga reperi në vitin 2021, kanë qenë "bashkë prindër", Westi ka thënë në një intervistë së fundmi se ai nuk është i gatshëm të bëjë "kompromis" kur bëhet fjalë për arsimimin e fëmijëve të tij.
Reperi, i cili zyrtarisht quhet Ye dhe Kim Kardashian janë grindur për muaj të tërë se ku t'i dërgojnë fëmijët e tyre në shkollë, pasi ai ka kërkuar që ata të ndajnë kohën midis shkollës së tyre private dhe Akademisë së tij “Donda”.
Edhe
Kimi tregon se ndarja e kujdestarisë me Kanyen gjë e vështirë
Megjithatë, Kardashiani thuhet se ka hezituar t'i dërgojë fëmijët e tyre në shkollën misterioze të Westit, e cila ende nuk është akredituar nga Shoqata Perëndimore e Shkollave dhe Kolegjeve.
Themeluesja e “Skims” aktualisht ka kujdestarinë e fëmijëve në 80 për qind të kohës, derisa burime të afërta me ish-çiftin kanë thënë për “Page Six”, se Kim ka refuzuar të komunikojë me ish-bashkëshortin e saj pa ndërmjetësimin e asistentëve.
