Jude Law krahason aktrimin me sportin

Aktori britanik Jude Law ka folur për bashkëpunimin e tij me Jason Bateman në mini-serialin e ri të platformës transmetuese Netflix, “Black Rabbit”, i cili pati premierën në Festivalin e Filmit në Toronto.

52-vjeçari e krahasoi dinamikën e tyre në ekran me sportin.

“Është shumë e vështirë të përshkruhet. Është sikur të luash një sport, por jo duke u përpjekur ta mposhtësh tjetrin. Është më shumë për ta ngritur nivelin e tij. Dhe ti e shtyn provën duke menduar: ‘Nëse shkoj kaq larg, a lejohet të bëj këtë? A lejohet të bësh atë?’ Ishte mjaft e qartë, shumë shpejt, që ishim në të njëjtën valë”, ka thënë ai për revistën People.

Megjithatë, Law ka pranuar se ai dhe Jason i janë qasur projektit në mënyra të ndryshme.

“Unë shkruaja ese, detaje të historisë së personazhit. Ai më tha: ‘Po, po, mund t’i bësh të gjitha këto nëse do. Nuk është tamam mënyra si do ta bëja unë’”, ka treguar aktori.

Ylli, i njohur për sukseset në film dhe televizion, shprehu shpresën se këto dy platforma do të mund të bashkëjetojnë.

“Shpresoj që njëra të mos e shkatërrojë tjetrën. Unë jam një fans i kinemasë. Do të ishte katastrofike nëse njëra do ta hante tjetrën”, ka thënë ai.

Edhe Showbiz 30 kor 2026 Jared Leto mohon akuzat për sulm seksual

Law ka kujtuar edhe kohën kur u bë i famshëm në fund të viteve ’90 dhe fillim të viteve 2000, me filma si “The Talented Mr. Ripley” dhe “Road to Perdition”.

Ai ka rrëfyer se në atë periudhë, nëna e tij përpiqej ta mbronte nga fama.

“Ja një gjë interesante… Mbaj mend një bisedë me nënën time, e cila më tha diçka që tani e shoh ndryshe. Ajo më tha sikur duhej të më ‘ndante’ me të tjerët. Dhe mendoj se ajo nënkuptonte që papritur njerëzit po e njihnin kush isha dhe po i drejtoheshin asaj. Ajo ndiente sikur kishte humbje privatësie dhe intimiteti, që duhej mbrojtur”, ka thënë artisti.