“Halloween Ends” është vazhdimi i fundit në serinë e filmave të famshëm horror, më saktësisht i trembëdhjeti me radhë dhe i fundit në trilogjinë që filloi me filmin e vitit 2018, “Halloween”.
I realizuar nga regjisori David Gordon Green, filmi në rolet kryesore i sjell aktorët, Jamie Lee Curtis, Andi Matichak, Rohan Campbell, Will Patton, Kyle Richards dhe James Jude Courtney. Pasi pësoi vonesa të realizimit si pasojë e pandemisë së koronavirusit, projekti më në fund u xhirua në Georgia në fillim të këtij viti.
“Halloween Ends” e rrëfen historinë e Corey Cunninghamit, një i ri që bie në dashuri me mbesën e Laurie Strode, ndërsa një sërë ngjarjesh duke përfshirë takimin me personazhin e keq, Michael Myers, ia shkatërrojnë jetën dhe e shndërrojnë atë në një vrasës të dëbuar nga shoqëria.
Filmi e shënoi premierën botërore në Los Angeles, para se ta fillonte transmetimin nëpër kinema dhe në platformën “Peacock”.
-
“The Conjuring: Last Rites”, vazhdimi i fundit i filmave të njohur horrorë
-
“In The Grey” sjell një grabitje të pamundur dhe luftë për mbijetesë
-
Daniel Craig kthehet me “Wake Up Dead Man: A Knives Out Mystery”
-
Filmi “Nobody 2”, i mbushur me skena aksion
-
“The Bondsman”, seriali i ri i yllit Kevin Bacon