Këngëtarja pop 32-vjeçare Ariana Grande i ka dhënë disa këshilla të rëndësishme vokale vëllait të saj përpara se ai të niste performancat në “Titanique” në Broadway. Frankie Grande ka zbuluar tani se si motra e tij e famshme e ndihmoi gjatë një momenti të vështirë para shfaqjes.
“I kërkova këshilla vokale. Po, sepse po kisha probleme për shkak të një infeksioni të sinuseve”, ka thënë ai.
Aktori i cili e interpretoi fillimisht rolin e Victor Garber gjatë shfaqjeve Off-Broadway të “Titanique” – kishte përdorur avull për deri në një orë e gjysmë çdo ditë për të lehtësuar bllokimin e hundëve, por Ariana ndërhyri shpejt me një zgjidhje më praktike për problemin e tij.
“Po bëja avull, avull, avull pa ndalur, dhe ajo më tha: ‘Vëlla, po e tepron me avullin.’ Dhe unë thashë: ‘Paska mundësi të teprohet me këtë?’”, tha Frankie i cili më parë ka marrë pjesë si konkurrent në versionin amerikan të Big Brother
Ariana e këshilloi atë të kufizonte seancat e avullit dhe rezultatet erdhën pothuajse menjëherë.
Frankie i cili bëri debutimin e tij në Broadway me “Mamma Mia!” në vitin 2006 – reflektoi gjithashtu për rolin e tij në ndihmën ndaj Arianës për të gjetur veten në skenë gjatë viteve të para të karrierës së saj.
Edhe
Ariana Grande tregon se si aktrimi e ndihmoi ta shëronte marrëdhënien e saj me muzikën
“Ishte argëtuese sepse në një farë mënyre unë e rrita atë. Ajo u rrit duke ardhur në shfaqjet e mia në Broadway dhe më pas menjëherë ishte edhe vetë në Broadway. Në ato kohë, unë isha mentori i saj për një periudhë të gjatë”, ka thënë ai.
Megjithatë, Frankie këmbëngul se marrëdhënia e tyre ka evoluar shumë përtej këshillave për karrierën.
