Ramon Abbas shpaloste në rrjetet sociale një jetë luksoze me avionë privatë, veshje stilistësh të njohur e makina super të shtrenjta.
2.5 milionë ndjekësit e tij në Instagram e njihnin si Ray Hushpuppi (Rej Hashpapi), një njeri që merrte helikopterët nga apartamenti në Dubai dhe shihej vetëm me çanta pazari që mbanin mbishkrimin Gucci, Versace e Fendi.
Në mediat sociale, postonte video të vetes duke hedhur në ajër para kesh si të ishin letra, dhe ndjekësve u thoshte se ishte agjent i pasurive të paluajtshme.
Por, stili i tij ekstravagant i jetesës tërhoqi vëmendjen e autoriteteve, të cilat zbuluan se ky luks financohej përmes skemave të hakerimit, me të cilat pastroheshin miliona dollarë të vjedhura nga kompani të mëdha në Shtetet e Bashkuara dhe Evropë.
Postimet e tij pompoze lanë gjurmë digjitale të provave të cilat, hetuesit i përdorën më pas për ta lidhur me shkeljet që e çuan në pranga.
Zyrtarë të Emirateve të Bashkuara Arabe bastisën apartamentin e tij në Dubai, e arrestuan dhe ia dorëzuan FBI-së që e çoi në Chicago. Nga aty do të transferohet më tej në Los Angeles për t’u përballur me akuzat e pastrimit të miliona dollarëve përmes skemave të krimit kibernetik.
-
Jeta e pazakontë e 18-vjeçarit që mban emrin e superyllit të futbollit
-
Hakerët mashtruan inteligjencën artificiale të Instagramit për të marrë profilet e përdoruesve
-
Lojtari i Zelandës së Re po e përballon mirë famën e papritur në mediat sociale
-
Dënohet me dy vjet burgim burri që vodhi muzikën e papublikuar të Beyoncés
-
Ben Affleck dhe Matt Damon paditen nga dy policë