Fansat e këngëtares shqiptare me famë botërore, Rita Ora, kanë ngelur të mahnitur me fotografitë e së ëmës së këngëtares, Verës. “Dukeni si motra”, ka qenë komplimenti më i shpeshtë që ajo ka marrë.
Këtë javë, Vera festoi ditëlindjen e 56-të. Këngëtarja 31-vjeçare shfrytëzoi Instagramin për ta uruar me disa fotografi.
“Urime ditëlindjen nënës më të mrekullueshme!”, ka shkruar Rita në postimin e saj.
Të menjëhershme e të shumta ishin komplimentet për Verën. “Padyshim duket sikur të ishit motra”, është komplimenti që ra në sy më së shumti.
