Familja mbretërore “e acaruar masivisht” nga lufta gjyqësore e Princit Herri me një tabloid

Mbreti Charles , Princi William dhe bashkëshortet e tyre do të "irritohen masivisht" nga implikimet e një gjykimi gjyqësor se Princi Harry do të kthehet në grupin e dëshmitarëve të Gjykatës së Lartë, duke treguar potencialisht detajet më të sikletshme për familjen e tij, tha një mik i familjes për “The Daily Beast”.

Megjithatë, miku shtoi se mbretërorët do të bënin çmos që të mos "shpërqendroheshin" nga betejat ligjore të Harrit, ndërsa niseshin në një udhëtim global për dy vjet për të promovuar dhe mbështetur markën mbretërore jashtë vendit.

Miku i familjes tha për “The Daily Beast”: "Të gjithë në familje e pranojnë plotësisht se Harri është një qytetar privat dhe mund të bëjë atë që i pëlqen pa iu referuar familjes. Kjo nuk do të thotë se atyre u duhet t'u pëlqejë. Sigurisht që ata janë masivisht të irrituar nga perspektiva e më shumë gjyqeve të Harryt, por ata kanë qenë duke e pritur këtë gjë. Ka edhe rastin e shpifjes kundër “Mail” mos harroni. Qëllimi i tyre është vetëm të vazhdojnë të lidhen dhe të mos shpërqendrohen nga asnjëra prej tyre".

Një burim tjetër tha se Harry ose Meghan duke bërë paraqitje në gjykatë, duke botuar libra të mëtejshëm ose duke bërë filma, tani konsiderohet gjerësisht e pashmangshme dhe se politika e moskomentimit apo reagimit ishte gjykuar si një sukses nga familja dhe nuk do të kishte "asnjë ndryshim" në strategjinë e përgjithshme.

Reagimet erdhën pasi një gjykatës i lartë vendosi të enjten se Harry mund të procedojë me një pjesë kyç të veprimit të tij ligjor të vazhdueshëm kundër “News Group Newspapers” (NGN), botuesit e tabloidit britanik “The Sun”. Harry mund të procedojë në gjyq me akuzat se “The Sun” dhe “News of the World” tashmë të mbyllura përdorën teknika të paligjshme të mbledhjes së informacionit, të njohura si "blagging," që përfshin mashtrimin e palëve të treta në zbulimin e informacionit konfidencial në lidhje me objektivat, për të marrë histori mbi të.

Megjithatë, pati lehtësim të madh për mbretërorët pasi Harrit iu tha se nuk mund të procedonte me pretendimet e hakimit të telefonave. Gjykatësi tha se akuza e Harrit se një "marrëveshje sekrete" rreth hakimit telefonik ishte bërë midis mbretërorëve dhe “NGN”, që fshihte informacion prej tij, nuk kishte arritur "pragun e nevojshëm të zhvillueshmërisë" dhe se nuk ishte ofruar asnjë dëshmi konkrete apo dokumentuese që mbështeste pretendimin.