Dua Lipa ndahet nga menaxhmenti i saj

Këngëtarja shqiptare me famë botërore, Dua Lipa, ka ndarë rrugët me kompaninë e menaxhimit pas një mosmarrëveshjeje për të ardhurat.

Dua Lipa, e cila nënshkroi për Tap Managment me bazë në Londër në vitin 2013, gjatë javës së kaluar u dha lajmin menaxherëve të saj se nuk do të bashkëpunonin më.

Burimet e industrisë së muzikës thonë se largimi i saj lidhet me madhësinë e prerjes që ajo merr nga regjistrimet dhe marrëveshjet komerciale të negociuara në emër të saj nga Tap Management, raporton Daily Mail.

Lipa, një fituese e trefishtë e çmimeve Grammy, e cila aktualisht është në një turne të 73-të në Amerikë, është nënshkruar me Warner Music dhe ka marrëveshje fitimprurëse me disa marka, duke përfshirë Evian, Yves Saint Laurent dhe Versace.

Duke komentuar vendimin e saj të befasishëm për t'u larguar nga Tap Management dhe menaxherin e saj Ben Maëson, një burim tha: 'E gjitha erdhi si një tronditje, por për fat të keq do të ketë gjithmonë mosmarrëveshje kur bëhet fjalë për paratë. Gjërat ishin duke u përgatitur për disa kohë. Tap e ka bërë atë nga një adoleshente e panjohur në artisten më të suksesshme femër në botë. Kur e shikon kështu, nuk mund të mos mendosh se diçka shumë e keqe ka ndodhur”.

Të premten u raportua se babai i Duas, Dukagjin Lipa do të marrë drejtimin e saj nga Tap.