David Schwimmer e ka përjashtuar mundësinë e ringjalljes së hit serialit “Friends”, pasi që mendon se kasti ka ecur përpara.
Spekulimet se seria, e cila u transmetua nga viti 1994 deri në vitin 2004, mund të ringjallet, kanë qenë të mëdha që kur shefat e HBO zbuluan se ishin në diskutime të hershme me aktorët për një formë të programit të ribashkimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDavidi tha për “The Guardian” se megjithëse është i hapur për një ribashkim që e merr formën e një “chat” seriali në retrospektivë, ai nuk dëshiron ta rimarrë rolin e tij si Ross Geller - dhe beson se kolegët Courteney Cox, Jennifer Aniston, Matt LeBlanc, Matthew Perry, dhe Lisa Kudrow ndihen njësoj, shkruan KOHA Ditore.
"Thjesht nuk mendoj se është e mundur, duke pasur parasysh trajektoret e ndryshme të karrierave të të gjithëve," thotë ai. "Mendoj se të gjithë ndihen njësoj: pse ta ngacmosh atë që ndihej si mënyra e duhur për t'i dhënë fund serialit? Nuk dua të bëj asgjë për paratë. Do të duhej të kishte kuptim në mënyrë kreative dhe asgjë që kam dëgjuar deri më tani e që na është prezantuar, nuk ka kuptim."