“Gjatë 100 vjetëve të fundit kemi punuar në një gjë të quajtur ‘Everyday Life’", shkruan anëtarët e bendit në një letër.
Do të jetë një album i dyfishtë, i ndarë në dy pjesë, i cili do të titullohet "Sunrise" dhe "Sunset" dhe do të publikohet më 22 nëntor, shkruan KOHA Ditore. Letra u nënshkrua nga të katër anëtarët e bendit, ndërsa pranuesja fillimisht mendoi se bëhej fjalë për ndonjë mashtrim.
"Alarm i rremë! E kam pranuar këtë letër sot në mëngjes, por nuk shoh asnjë arsye se pse dikush do ta dërgonte atë", tha Lena Tayara në Twitter, duke e postuar një foto të letrës së pranuar.
Pasi që ndjekësit e saj në Twitter e bindën se letra dukej autentike, ajo ndryshoi mendje dhe shkroi: "Po ta dija se letra ishte origjinale, do ta vendosja një mbulesë më të bukur tavoline para se ta fotografoja. Por faleminderit për kartolinën, jam e mahnitur dhe shumë e prekur”.
Coldplay është bendi më i shitur britanik i shekullit 21. Sipas statistikave të revistës Charts, ata i kanë tre nga 20 albumet më të shitura të këtij mijëvjeçari, të udhëhequr nga "A Rush Of Blood To The Head" nga viti 2002.
-
Coldplay publikon shpallje në gazetat lokale për ta paralajmëruar listën e këngëve të albumit të ri
-
Coldplay thyen rekordin e “Wembleyt” me 10 koncerte radhazi
-
Taylor Swift paralajmëron se po përgatit albumin e 12-të
-
Coldplay do t’ia paguajë milionat ish-menaxherit që e paditi
-
“Coldplay” është gati ta përfundojë albumin e 10-të