Ylli i futbollit, David Beckham, dhe bashkëshortja e tij, ikona e modës, Victoria Beckham, gjatë fillimit të romancës së tyre i kishin mbajtur takimet shumë të fshehta.
Ata kanë treguar se takoheshin në parkingje të veturave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIsh-pjesëtarja e grupit “Spice Girls” që tani është dizajnuese e modës ka treguar për romancën në një seri dokumentarësh që shfaqet në platformën “Netflix”.
Të dy yjet e stilit kanë dhënë detaje për fillimin e lidhjes së tyre.
“Ne takoheshim në parkingje dhe kjo nuk është aq keq sa tingëllon”, kanë thënë ata.
“Me klas”, ka shtuar David Beckham, duke iu referuar gjërave të shpeshta e tipike që bënin si të rinj.
Ish-kapiteni i Anglisë ka treguar se si e kishte mbajtur gjatë tiketën e trenit në të cilën e kishte shkruar numrin e telefonit të tash bashkëshortes.
48-vjeçari gjithashtu ka treguar se gjithmonë i ka pëlqyer ajo që në atë kohë njihej me nofkën “posh spice”.
Çifti u martua në vitin 1999, dy vjet pas nisjes së romancës dhe tash ka katër fëmijë, Brooklyn 24 vjeç, Romeo 21, Cruz 18 dhe vajzën Harper 12-vjeçare.
Që kur u pensionua, ylli Beckham u bë president dhe bashkëpronar i klubit të futbollit Inter Miami në Shtetet e Bashkuara. Ai gjithashtu është edhe bashkëpronar i klubit Salford City në vendlindjen e tij.
Përgatiti: Vita Abrashi-Kajtazi