Chris Brown është ankuar se nuk po ftohet më të performojë në ngjarje të ndryshme muzikore.
Këngëtari 33-vjeçar i muzikës R&B i cili është i njohur si person kontrovers, ka nisur tashmë një turne, derisa ka shprehur zhgënjimin se nuk po ftohet për të performuar në ceremonitë e ndarjes së çmimeve, raportoi Daily Mail të enjten.
Në një postim të artistit dhe të shpërndarë nga DJ Akademiks, Brown shkroi me të gjitha shkronjat e mëdha: “New Mexico - i shihni njerëzit??? Çdo shfaqje është e mbushur kështu… nëse nuk do të ishin fansat e mi të jashtëzakonshëm, do të kisha hequr dorë”.
“Ngjarjet e çmimeve nuk më kanë lënë të performoj prej vitesh...e megjithatë shfaqja ime ende shitet. Më lër të jem i madh…”, ka shtuar ai.
Brown që atëherë ka redaktuar postimin, i cili përmban video nga performanca e New Mexicos, duke përjashtuar ankesën për injorimin nga ngjarjet e çmimeve.
Edhe
Chris Brown nuk dëshirohet në Afrikë të Jugut për shkak të së kaluarës së dhunshme
Ylli i R&B nuk ka dalë në skenë në një ceremoni çmimesh që nga “BET Awards 2017”.
Artisti i “No Guidance” nuk dha ndonjë arsye për përjashtimin, por një vështrim në problemet e tij ligjore mund të japë disa përgjigje.
Ai u dënua për sulm fizik ndaj Rihanna-s ndërsa ata ishin në një Lamborghini një natë para ndarjes së çmimeve “Grammy 2009”.
Raporti i policisë tha se këngëtari dhe Rihanna u grindën pasi ajo gjeti një mesazh në telefonin e Brown nga një grua tjetër me të cilën ai kishte një lidhje të mëparshme.
Raporti pretendonte se artisti i “Run It” u përpoq të shtynte të dashurën e tij të atëhershme nga makina dhe kur ai nuk mundi ta bënte këtë sepse ajo kishte vendosur rripin e sigurimit, ai e shtyu kokën e saj në dritare dhe e goditi me grusht.
Edhe
Chris Brown në gjykatën e Londrës para gjykimit që pritet të nisë në tetor
Ai dyshohet se është larguar me makinë dhe ka vazhduar ta godasë këngëtaren e hitit “Umbrella”.
Brown u deklarua fajtor për akuzat dhe përfundoi duke kaluar pesë vjet në provë dhe 180 ditë shërbim në komunitet.
