-
Përktheu:
Vita Abrashi-Kajtazi
- 19 gusht 2026 09:15
- Shpërndaje në:
Aktori britanik Callum Turner ka folur për herë të parë publikisht për martesën e tij me shqiptaren me famë botërore, këngëtaren Dua Lipa, duke e cilësuar ceremoninë e dasmës në Itali si “të jashtëzakonshme”.
Në një intervistë për “Esquire”, Turner ka thënë se martesa ishte “dita më e bukur e jetës sime”, ndërsa ka treguar se reagimi i publikut ka qenë disi surreal.
“Shkuam në park dje dhe çdo person që kalonte pranë nesh na thoshte: ‘Urime!’ Është e çuditshme kur diçka kaq personale ndodh në jetën tënde dhe më pas flitet publikisht për të”, ka thënë ai.
Turner, 36 vjeç, ka folur edhe për të ardhmen dhe dëshirën për të krijuar familje.
“Jam 36 vjeç. Do të doja të kem një familje dhe të rris disa fëmijë”, ka thënë ai.
Çifti u martua fillimisht në një ceremoni private në Londër, në muajin maj, me familjarët dhe miqtë më të afërt. Më pas, ata organizuan një ceremoni më të madhe në Palermo të Italisë, ku morën pjesë edhe emra të njohur si Charli XCX, Mark Ronson dhe Elton John.
Edhe
Callum Turner reagon ndaj raportimeve për rolin e James Bondit
Elton John madje performoi për çiftin hitin e tij të famshëm “Your Song”.
Dua Lipa dhe Callum Turner nisën lidhjen në vitin 2024, ndërsa këngëtarja konfirmoi fejesën e tyre në vitin 2025.
Në atë kohë, ajo e përshkroi vendimin për të kaluar jetën së bashku si “një ndjenjë vërtet të veçantë”.
