Nicolas Cage dhe bashkëshortja Riko Shibata janë në pritje të një vajze, çifti do ta emërojë atë Lennon Augie
Ylli 58-vjeçar dhe Riko Shibata konfirmuan se do të prisnin fëmijën e tyre të parë së bashku në janar dhe tani babai i tre fëmijëve ka zbuluar se do të ketë vajzën e tij të parë.
Nicolas - i cili tashmë ka djemtë Weston, 31, dhe Kal-El, 16, nga marrëdhëniet e mëparshme, është shprehur: “Do t’i njoftoj të gjithë për një lajm të madh. Unë do të kem një vajzë të vogël”.
“Jam i emocionuar. Do të jetë aventura më e madhe e jetës sime.”
Nicolas zbuloi gjithashtu se ai dhe Riko kanë vendosur ta emërojnë të bijën Lennon Augie, me këtë të fundit në lidhje me babanë e tij të ndjerë, August Coppola, i cili vdiq në vitin 2009.
“Emri i saj do të jetë Lennon Augie, Augie pas babait tim. Unë do ta quaj Lenny shkurt”, ka thënë ai në 'The Kelly Clarkson Show'.
Aktori i “Pig” së fundmi pranoi se po “shpresonte vërtet” edhe për një fëmijë tjetër.
Edhe
Nicolas Cage, baba për herë të tretë
“Më ka marrë malli për të gjitha. Më mungon të shikoj një fëmijë që zbulon gjëra për herë të parë. Mënyra se si rrezet e diellit shkëlqejnë përmes një gjetheje. Marrja e tyre për të ngrënë një darkë karavidhesh dhe për t'i çuar në tavolinë, “Ç‘dreqin po ha babi? Çfarë është ajo gjë? Duket si një përbindësh, si një insekt gjigant!' Të gjitha ato gjëra”, ka treguar aktori.
“Më mungon të shkoj në dyqanin e lodrave. Më mungon të këndoj ninullat. Më mungon lëkundjet në karriget lëkundëse. Me të vërtetë shpresoja për një fëmijë tjetër. Djemtë e mi janë të gjithë të rritur, kështu që kjo do të jetë e mrekullueshme”.
Nicolas ka pranuar se ai dhe Riko, 27 vjeç - me të cilin u martua në vitin 2021 pas një viti lidhjeje - po planifikonin t’ia vendosnin fëmijës së tyre emrin Akira Francesco nëse fëmija ishte djalë.
