Pop ylli, Britney Spears, po rikthehet në skenën e muzikës, kësaj radhe si një grua e lirë.
Këngëtarja e famshme amerikane po i bashkon forcat me ikonën britanike të muzikës, Elton John, për bashkëpunimin e tyre të ardhshëm, “Hold Me Closer”, një version i ripërpunuar i hitit klasik të Johnit, “Tiny Dancer.”
Kënga e shënon lansimin e parë të pop këngëtares, prej përfundimit të kujdestarisë ligjore ndaj saj që zgjati për 13 vjet.
Muajin e kaluar, portali “Page Six” raportoi se Spears e ka shoqëruar këngëtarin dhe kompozitorin britanik në studion muzikore në Beverly Hills, për ta incizuar këngën e cila ishte pjesë e albumit të vitit 1971, “Madman Across The Water”. Version i ri i këtij projekti vjen i realizuar nga producenti, Andrew Watt, i cili në të kaluarën ka bashkëpunuar me yjet të njohur të muzikës si, Miley Cyrus, Rita Ora, Justin Bieber, Camila Cabello dhe të tjerë.
Adhuruesit e Britneyt nuk do të duhet të presin shumë gjatë për ta dëgjuar idhullin e tyre duke kënduar, pasi burime të afërta kanë bërë të ditur se version i ri i këngës “Tiny Dancer”, pritet të publikohet në muajin gusht nga studioja “Universal Music”.
Edhe
Britney Spears me falënderim publik për Elton Johnin
Duket se ishte ideja e Elton Johnit për ta realizuar këtë bashkëpunim, që po konsiderohet një mundësi ideale e Britneyt për ta rigjallëruar karrierën e saj muzikore.
Pas këngës “Hold Me Closer”, shtohet kureshtja për ta parë se cili do të jetë projekti i radhës i Spearsit, nëse do të jetë këngë solo apo sërish një bashkëpunim me ndonjërën prej këngëtareve të ftuara në dasmën e saj, si Selena Gomez apo Madonna.
