Këngëtari Ed Sheeran ka befasuar të pranishmit me një performancë në një dasmë në Las Vegas.
Në një video të postuar në Instagramin e këngëtarit, ai luan një këngë ende të pa lansuar për një çift që ishin duke u martuar në një kishë në Las Vegas.
Videoja e publikuar nga Fox5 Vegas nis me çiftin Jordan dhe Carter Lindenfield.
Ata shihen duke mbajtur duart e njëri-tjetrit dhe duke u përgatitur për të thënë "po pranoj", kur Sheeran, me kitarën e tij akustike del për të kënduar këngën "Magical" nga albumi i tij i ardhshëm “Autumn Variations”, që pritet të lansohet më 29 shtator.
Të porsamartuarit kërkuan të bëjnë fotografi me Sheeranin, i cili nënshkroi certifikatën e tyre të martesës si dëshmitar.
Edhe
Zendaya e Tom Holland emocionuan të ftuarit me fjalimet në dasmën e tyre
“’Prisha’ një dasmë, kjo është ‘Magjike’”, ka shkruar Sheeran në postimin e tij në Instagram, duke shpjeguar se ishte i paftuar në dasmën e çiftit të ri.
"Faleminderit shumë për ditën më magjike të jetës sonë ... Me të vërtetë nuk do ta harrojmë kurrë këtë", shkroi në seksionin e komenteve zonja Lindenfield.
Ajo gjithashtu ka postuar në llogarinë e saj personale të rrjetit social Instagram.
"Ne jemi ende duke menduar për atë që ndodhi, se çfarë momenti i paharrueshëm ishte ky! Faleminderit Sheeran që vërtetë e bëre ditën tonë të veçantë magjike”, ka shkruar ajo.
(Përgatiti Vita Abrashi-Kajtazi)
Edhe
Tom Holland dhe Zendaya po planifikojnë një festë “epike” martese
VIDEO:
