Bebe Rexha debuton si aktore në filmin “Queenpins”

Bebe Rexha ka shpërndarë në rrjetet sociale trajlerin e filmit ku do të debutojë si aktore, të titulluar “Queenpins”.

Këngëtarja shqiptare ka thënë se ndihet e entuziazmuar me filmin në të cilin ajo luan përkrah aktorëve të famshëm të Hollivudit, Vince Vaugn e Kristen Bell.

“Jam e entuziazmuar të shpërndajë debutimin tim në filmin Queenpins, përkrah Kristen Bell, KirbyHowell-Baptiste, Paul Walter Hauser, dhe Vince Vaughn. Filmi është drejtuar dhe shkruar nga Aron Gaudet dhe Gita Paullapilly”, ka shkruar Bebe në rrjetet sociale.

Filmi parashihet të shfaqet premierë në kinema në shtator të këtij viti.

Ndërkohë sot është bërë e ditur se edhe Dua Lipa do të bëhet pjesë e filmit trile “Argylle”, ku do të debutojë për herë të parë si aktore.