Emma Heming Willis, bashkëshortja e aktorit të famshëm të Hollywoodit, Bruce Willis, ka folur për herë të parë në një intervistë televizive pasi aktori u diagnostikua me demencë. Ajo ka treguar për rrugëtimin e vështirë nëpër të cilin po kalon bashkë me familjen e saj përderisa Bruce ende nuk është i vetëdijshëm për gjendjen në të cilën ndodhet.
Gjatë bisedës në “Today”, Heming Willis ndau më të rejat mbi shëndetin dhe jetën e Bruce Willisit dhe përballjen me demencën. Ajo ka thënë se dëshiron që njerëzit të mësojnë për kujdesin ndaj njerëzve me kushte të tilla shëndetësore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Demenca është e vështirë për personin e diagnostikuar. Është gjithashtu e vështirë për familjen. Dhe kjo nuk është ndryshe për Brusin, as për mua e as për vajzat tona. Kur thonë se kjo është një sëmundje familjare, në të vërtetë është”, ka thënë ajo në emisonin “TODAY”.
Në mars të vitit 2022, familja e 68-vjeçarit zbuloi publikisht se ai ishte diagnostikuar me problemin që e detyroi të largohej nga aktrimi.
Çrregullimi ndikon në aftësitë e një personi në të folur dhe të kuptuar.
Nëna e dy fëmijëve dhe themeluesja e “Make Time Wellness” ka nisur këto ditë “Javën Botërore të Ndërgjegjësimit për Demencën Frontotemporale”.