Tomeka Thaim ka dorëzuar dokumentet për divorc me muzikantin 52-vjeçar Akon më 11 shtator, duke përmendur “ndryshimet e paqëndrueshme” si arsye.
Sipas dokumenteve të siguruara nga People Magazine, Tomeka ka kërkuar kujdesin ligjor të përbashkët për vajzën e tyre 17-vjeçare, Journey, dhe ka aplikuar për kujdesin fizik të adoleshentes, ndërkohë që Akon do të ketë të drejtat e vizitave.
Akon, i njohur për hitet e tij si Smack That, ka thënë më herët se beson në poligami dhe në vitin 2022 ka zbuluar se ka nëntë fëmijë.
Në një intervistë për The Zeze Mills Show, ai tha: “[Poligamia] është pjesë e kulturës tonë. Absolutisht. Për mua, kjo duket normale, sepse është kulturë për ne. Ne nuk dolëm jashtë kulturës sonë afrikane kur arritëm në botën perëndimore. Shihni, gabimi që bëri bota perëndimore është që krijoi të gjitha këto rregulla pa marrë parasysh natyrën.”
Akon insistoi se ai është “aty për të gjithë fëmijët e tij” dhe e sheh si punën e tij të rrisë fëmijët “për të qenë përgjegjës, të kuptueshëm” dhe për t’i “mbrojtur ata”.
Akon beson se martesa dhe takimet janë “raporte të vërteta.”