Këngëtari kolumbian, Maluma, e solli një mysafire speciale në skenë gjatë koncertit të fundit në vendlindjen e tij, Medellín.
Ai i befasoi fansat kur e ftoi mbretëreshën e muzikës pop Madonna, për t’i interpretuar dy këngë bashkë me të, raportoi të hënën portali “NME”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPerformanca zuri vend të shtunën (30 prill) në stadiumin “Atanasio Girardot”, duke e përmbyllur serinë e koncerteve të Malumas në Kolumbi.
Dy artistët u shfaqën me vallëzime mjaft sensuale teksa e interpretuan hitin e Madonnës të vitit 2000, “Music”, si dhe bashkëpunimin e tyre të vitit 2019, “Medellín”, që ishte pjesë e albumit të suksesshëm të këngëtares amerikane, “Madame X”.
Kjo është performanca e parë e Malumas dhe Madonnas në 3 vjetët e fundit. Ata u shfaqën së bashku në skenë në ceremoninë e 2019, “Billboard Music Awards”.
Duket se kjo paraqitje skenike e yllit të hitit “Material Girl” përkon me planet e saj për t’u rikthyer në muzikë. Në dhjetor të vitit të kaluar ajo i paralajmëroi fansat se është kthyer në studio incizuese, dhe po punon në realizimin e, siç e ka quajtur këngëtarja, befasisë për vitin 2022.
Ylli i hitit “Beautiful Stranger” po ashtu është e angazhuar filmin e saj biografik, me ç’rast ka bërë të ditur se për titullin e këtij projekti është frymëzuar nga njëra prej këngëve të saj të vitit 2000. Këngëtarja përveç që po e bashkëshkruan skenarin e projektit me Diablo Codyn, po ashtu do të shërbejë si regjisore e filmit.