Për një javë të vetme, “Scream” e rrëzoi nga pozita e parë filmin “Spider-Man: No Way Home”.
Por, suksesi nuk i zgjati shumë pasi gjatë fundjavës që e lamë pas, “Spider-Man: No Way Home” u rikthye sërish në maje të arkave filmike dhe po vazhdon ende të thyej rekorde të kinematografisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBrenda tri ditëve të shfaqjes, ky projekt i arkëtoi edhe 14 milionë dollarë ekstra të cilat i shtohen shumës totale të të hollave të arkëtuara nga shfaqja në Amerikës Veriore, në 721 milionë dollarë.
Kështu e largoi filmin “Black Panther” nga pozita e katërt e filmave më fitimprurës dhe renditet pas projekteve, “Avatar”, “Avengers: Endgame” dhe “Star Wars: The Force Awakens”. Globalisht, “Spide-Man: No Way Home” i ka arkëtuar 1.7 miliardë dollarë.
Filmi e rrëfen historinë e të riut Peter Parker i portretizuar në film nga Tom Holland, i cili i kërkon superheroit Dr. Strange që ta ndihmojë ta fshehë identitetin e Spider-Manit nga publiku i gjerë. Krahas Hollandit në këtë vazhdim të tretë të realizuar nga regjisori, Jon Watts, luajnë edhe yjet: Zendaya, Benedict Cumberbatch, Jacob Batalon, Jon Favreau, Marisa Tomei, J. B. Smoove, Benedict Wong, Alfred Molina dhe Jamie Foxx.
Ndërkaq, projekti i fundit i studios “Paramount Pictures” me titull, “Scream”, debutoi me një sukses të mirë duke u bërë kampion i javës së kaluar falë 30.6 milionë dollarëve të arkëtuara nga shitja e biletave nëpër kinema. Kurse gjatë fundjavës që e lamë pas, i fitoi edhe 12.4 milionë dollarë ekstra të cilat i shtohen shumës totale prej 51.3 milionë dollarë. Kështu, ai pozicionohet në vendin e dytë të arkave filmike.
“Scream” që është vazhdimi i pestë në serinë e filmave të famshëm horror, i cili njëkohësisht e prezanton një kastë të re të aktorëve, po ashtu i ka arkëtuar edhe 18 milionë dollarë ekstra nga shfaqja nëpër kinematë ndërkombëtare ndërkaq realizimi i tij në total ka kushtuar rreth 24 milionë dollarë.
Ky film, po ashtu ishte i pari që nuk vjen me regji të Wes Cravenit, i cili vdiq në vitin 2015. Përveç aktorëve të rinj të përfshirë në të, “Scream” i rikthen në ekran të madh edhe disa prej yjeve të filmave të parë, si Neve Campbell, Courteney Cox dhe David Arquette.