Këngëtarja me prejardhje shqiptare dhe famë botërore, Bebe Rexha, do të performojë himnin patriotik në ceremoninë e hapjes së ngjarjes në sportin e mundjes argëtuese, “WrestleMania”.
Ngjarja zhvillohet live të dielën, në stadiumin “Raymond James” në Tampa Bay të Floridës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Jam e lumtur që do ta interpretojë këngën “America the Beautiful” në edicionin e sivjetmë të ngjarjes ‘WrestleMania’. Të jesh pjesë e ngjarjes më të madhe të mundjes argëtuese është një nderë i madh, dhe mezi pres të performojë për fansat anembanë botës”, ka thënë Rexha në një prononcim për media.
Neil Lawi, zëvendës presidenti lartë dhe drejtori i përgjithshëm labelit “WWE Music Group”, tha: “Sporti i mundjes argëtuese ka histori të thellë të integrimit të muzikës në të gjitha aspektet e markës sonë, dhe bashkëpunimit me disa nga artistët më të njohur në botë të cilët kanë performuar në ngjarjen ‘WrestleMania’. Këtë vit, Bebe Rexha i bashkohet disa prej emrave më të mëdhenj të muzikës të cilët e kanë interpretuar himnin ‘America the Beautiful’ në këtë ceremoni, dhe mezi po presim ta fillojmë natën e parë të ekstravagancës vjetore të kulturës pop”.
31-vjeçarja Bebe Rexha i ndjekë hapat e artistëve të tillë si: Ray Charles, Aretha Franklin, John Legend, Nicole Scherzinger, grupi “Fifth Harmony” dhe të tjerë, të cilët në të kaluarën e kanë performuar këngën “America the Beautiful” në këtë ngjarje të përvitshme.