Ylli i serisë “Seinfeld”, Jerry Stiller ka vdekur në moshën 23 vjeçare.
Lajmin e vdekjes së tij e bëri të ditur djali i aktorit, Ben Stiller, gjatë ditës së sotme, duke e postuar një mesazh në të cilën e quajti të ndjerin një baba të mrekullueshëm dhe bashkëshort të përkushtuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Me pikëllim të thellë ju njoftoj se babai im, Jerry Stiller, ka vdekur nga shkaqe natyrore. Ai ishte një babai dhe gjysh i mrekullueshëm, por mbi të gjitha një bashkëshort i dashur dhe i përkushtuar ndaj gruas së tij, prej 62-vjetësh, Anne. Do të na mungojë shumë të gjithëve. Të dua babi.”
Vitin e kaluar, Jerry Stiller, ishte hospitalizuar si pasojë e disa problemeve shëndetësore, për çka madje ishte spekuluar se ka pësuar sulm. Por më vonë, këto spekulime ishin hedhur poshtë nga familjarët e tij.
Jerry Stiller ishte takuar me bashkëshorten e tij, Anne Meara, në vitin 1953 me të cilën edhe ishte martuar një vit më vonë. Dyshja që së bashku i sollën në jetë dy fëmijë, Ben dhe Amy Stiller, kishin qëndruar të martuar për 62 vjet, deri kur Meara vdiq në vitin 2015.
Ylli i filmave “Night at the Museum”, Ben Stiller, i cili shquhej për raportin e mirë me të atin, në të kaluarën kishte bërë të ditur se ëndërron që një ditë ta realizojë një dokumentarë për prindërit e tij, të cilët shpesh kishin bërë paraqitje së bashku në disa projekte televizive, përfshirë këtu emisionin “The Ed Sullivan Show”.
Jerry Stiller i cili njihej edhe për rolin e tij në serinë komike shumë të suksesshme, “King Of Queens”, ka luajtur krahas djalit të tij në disa projekte filmike përfshirë këtu filmat, “Zoolander” dhe “The Heartbreak Kid”.