Inspirimi i Jennifer Lopezit për filmin “Hustlers” ngre padi për ngjashmërinë në film

Striperja nga jeta reale e cila e frymëzoi personazhin e Jennifer Lopezit në “Hustlers” e ka iniciuar një proces gjyqësor prej 40 milionë dollarësh kundër zyrtarëve në firmën e produksionit të aktores për përdorimin e ngjashmërisë së saj pa leje.

Samantha Barbash pretendon se J.Lo e bazoi rolin e saj të Ramonës në të, edhe pse ajo e refuzoi një ofertë nga drejtuesit e filmit për t’i nënshkruar të drejtat e historisë së jetës së saj për hit-dramën, shkruan KOHA Ditore.

Striperja i akuzoi zyrtarët për diskreditimin e saj, pasi që Ramona portretizohet si dikush që "përdor dhe prodhon substanca të paligjshme në shtëpinë e saj ku jetonte me fëmijën e saj" – nga e cila Barbash është ofenduar, sepse insiston se kjo nuk ka ndodhur kurrë.

Tani ajo po i hedh në gjyq drejtuesit në kompaninë e Lopez Nuyorican Productions, duke i kërkuar 20 milionë dollarë si kompensim dhe 20 milionë dollarë të tjerë në dëmshpërblim, raporton TMZ.

Vetë superylli nuk është përmendur në padi, por ajo ishte një nga producentët e projektit, gjë që i ka sjellë asaj vlerësime kritike, duke përfshirë edhe nominimet për “Screen Actors Guild Awards” dhe “Golden Globes”.

Edhe Showbiz 20 nën 2019 Jennifer Lopez “nuk është paguar” për rolin në “Hustlers”

Përfaqësuesit e filmit “Hustlers” nuk kanë komentuar për hapin ligjor në fjalë.

Filmi është i bazuar në një artikull të “New York Magazine” i cili u bë viral në vitin 2015, në lidhje me një grup të valltareve ekzotike, të cilat i mashtrojnë klientët e tyre të pasur brokerë.