Zëvendëskryeministrit të Serbisë, Aleksandar Vulin, i është refuzuar leja e fluturimit për në Bosnjë-Hercegovinë nga autoritetet e këtij vendi. Me këtë rast, ai është detyruar të shkojë në këtë vend me automjet zyrtar.
Ministri i Punëve të Jashtme i Bosnjë-Hercegovinës, Elmedin Konakoviq, ka thënë se Vulini, me qëndrimet e tij aktuale dhe mohimin e gjenocidit të kryer në Srebrenicë, nuk do të marrë asnjëherë leje për të fluturuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë deklaratën e lëshuar nga Qeveria e Serbisë thuhet se janë dorëzuar me kohë të gjitha dokumentet e nevojshme si kërkesë, por autoritetet në BeH nuk kanë dhënë pëlqim për fluturimin e tij.
“Edhe pse kabineti i zëvendëspresidentit të Qeverisë së Serbisë, Ministria e Punëve të Jashtme dhe Ambasada e Serbisë në mënyrë të rregullt dhe me kohë i kanë dorëzuar të gjitha informatat e nevojshme dhe dokumentacionin përcjellës, madje duke theksuar qëllimin e vizitës, autoritetet në Bosnjë-Hercegovinë, me heshtjen dhe mospërgjigjjen e saj nuk dhanë pëlqimin për fluturim”, thuhet në deklaratë, raportoi "Klix.ba".
Vulini ka mbërritur në Pale mëngjesin e sotëm me një automjet zyrtar. Në këtë komunë, ku ai shkoi pas ftesës së bërë nga serbët lokalë për të marrë pjesë në liturgjinë solemne me rastin e festës së Fjetjes së Virgjëreshës Mari, u vendosën tabela për mirëseardhjen e Vulinit me mbishkrimin: "Mirë se erdhe kumbar".