Gjashtë të vdekur, përfshirë katër fëmijë, si pasojë e një zjarri në Novi Sad

Gjashtë persona, në mesin e të cilëve edhe katër fëmijë, kanë vdekur si pasojë e një zjarri që ka shpërthyer në orët e para të së premtes në Novi Sad në Serbi

Këtë e ka konfirmuar zëvendëskryeministri dhe ministri i Brendshëm i Serbisë, Ivica Daçiq, i cili ka thënë se ata kanë vdekur tragjikisht. 

"Në zjarrin që shpërtheu sot në mëngjes, rreth orës 3 të mëngjesit, në një shtëpi, në rrugën ‘Gjordje Dere’, vdiqën gjashtë persona, përfshirë katër fëmijë, të moshës dy deri në shtatë vjeç”, është shprehur Daçiq. 

Tanjug raporton se sipas Ministrisë së Brendshme ata janë anëtarë të një familje që jetonte në atë adresë.