Kush janë gjeneratorët kryesorë të keqinformimit në Kosovë, sipas profesorit Alban Zeneli

Indikatorët kryesorë që e përkeqësojnë ekosistemin e mediave dhe informimit janë faktori para, faktori politik dhe narrativi i Serbisë ndaj Kosovës.

Këta tre faktorë, profesori Alban Zeneli, i kategorizoi si katalizatorët kryesorë të keqinfromimit. Këtë vlerësim e bëri në intervistën dhënë për emisionin “Prapa Ekraneve”. Ky është emisioni i parë që trajton çrregullimin informativ në dhe rreth Kosovës, i cili është prodhim i platformës për verifikimin e fakteve Hibrid.info, me mbështetje nga NDI.

Sipas Zenelit, gjeneratori i parë është paraja, ku gjenerohen përmbajtje jo të sakta për të gjeneruar dhe shtuar ueb trafik, apo edhe reklamim online.

Gjeneratori i dytë, sipas tij është faktori politik i brendshëm, të cilët krijojnë përmbajtje jo të sakta në mënyrë që të përfitojnë sa më shumë mbështetje në elektorat në bindjet e tyre politike.

Kurse, gjeneratori i tretë është ajo që Bashkimi Evropian e quan propaganda joperendimore, duke iu referuar Rusisë dhe Kinës, por në rastin e Kosovës, ka shtuar Zeneli e kemi të njëjtën propagandë që zhvillohet nga Serbia për Kosovën.

“Narrativi i përgjithshëm i Serbisë për Kosovën ka prodhuar në vazhdimësi dezinformata”, ka thënë Zeneli, në intervistën për emisionin “Prapa Ekraneve”, duke shtuar se qëllimi kryesor i Serbisë për këtë është që serbët vendorë t’i mbajë të painkuadruar në institucionet vendore të Kosovës.

Edhe Arbëri 23 pri 2026 Zeneli: Jemi tani në një demokraci jonormale, në “epokën e pas të vërtetës”

Për më shumë, ndiqeni intervistën e plotë në emisionin “Prapa Ekraneve”.