Komuna e Prishtinës ka organizuar aktivitete gjatë ditës së hënë me rastin e 110 vjetorit të Pavarësisë së Shqipërisë.
Në njoftim e lëshuar në faqen e kryetarit të kësaj komune në Facebook, Përparim Rama, është bërë e ditur agjenda e aktiviteteve nën moton “Prishtina Kuq e Zi”.
“Ejani të festojmë së bashku 110 vjetorin e pavarësisë së Shqipërisë”, ka shkruar Rama te agjenda.
Aktivitetet do të fillojnë nga ora 10 e mëngjesit deri rreth orës 23:00.
Nga ora 10:00 do të fillojë Programi Kulturor “Kryeqyteti Kuq e Zi”, për të vazhduar edhe me aktivitetin tjetër “Panari ‘Blej Shqip’”, dhe me aktivitete të tjera në lokacione të ndryshme të kryeqytetit.
