Drejtoria e Inspeksionit të Komunës së Prishtinës në bashkëpunim me Policinë e Kosovës, kanë liruar trotuaret në të dyja anët e rrugës “Rexhep Luci”.
Inspektorati ka larguar tavolinat e kafeneve nga trotuaret.
Drejtoria e Inspeksionit në Komunën e Prishtinës e ka quajtur operacionin “çlirim të hapësirave të uzurpuara nga kafenetë”.
Drejtori i Drejtorisë së Inspeksionit në Komunën e Prishtinës, Florian Dushi, në emisionin “038” në KTV, ka thënë se numri i inspektorëve është shumë i vogël krahasuar me kërkesat dhe ankesat qytetarëve.
“Jemi të përkushtuar që me kaq kapacitete t’i përgjigjemi pozitivisht secilës kërkesë të qytetarëve. Qendrat të cilat i frekuentojnë një numër më i madh i qytetarëve janë liruar nga konstruksionet që janë vendosur pa leje. Ka qenë vendim i kryetarit që të gjitha konstruksionet pa leje në sheshet e Prishtinës dhe në platenë mbi kurriz të pastrohen. Lidhur me tarracën e hotelit ‘Swiss Diamond’ jemi në pritje të vendimit të komisionit”, ka thënë ai.
-
Inspektorati nis aksion për heqjen e tarracave pa leje të lokaleve në “Lakërishtë”
-
Inspektorati i Prizrenit sërish me aksion për lirimin e hapësirave publike në “Ortakoll”
-
Dushi: Sfidë mbetet numri i vogël i inspektorëve
-
Nis heqja e rrethojave dhe lirimi i trotuarit në Parkun e Qytetit
-
Komuna bën thirrje për lirim të hapësirave në afërsi të “Tregut të automjeteve”