Laura Fazliu është kthyer në rrugën e sukseseve. Pas dy garave pa medalje, xhudistja kosovare shkëlqeu të shtunën në Grand Prix në Linz të Austrisë. Por vetëm deri në finale.
Laura e fitoi të argjendtën në kategorinë deri 63 kilogramë. Ishte bartëse e dytë në kategori dhe u mposht nga bartësja e parë, braziliania Rafaela Silva.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMe legjendën braziliane, Fazliu kishte humbur edhe dy përballjet e kaluara, vjet. Finalja e së shtunës ishte shumë e fortë dhe e barabartë. Nisi me luftë të kujdesshme nga të dy xhudistet. Në mes të luftës braziliania realizoi “Yuko” që është pika më e vogël në xhudo. Më pas Laura e kishte iniciativën, por pa realizuar pikë.
Laura e nisi ditën furishëm. Në luftën e parë fitoi bindshëm ndaj sllovenes, Leila Mazouzi. Ndaj saj realizoi dy “Yuko” e më pas edhe “Ippon”.
Në luftën e dytë, që ishte çerekfinale, fitoi po ashtu bindshëm ndaj kroates Nina Cvjetko. Atë e mposhti me dy uazari.
Për saktësisht 2 minuta e 3 sekonda, njëjtë si luftën e dytë, Laura e fitoi edhe gjysmëfinalen ndaj gjermanes Sara-Joy Bauer. Ndaj saj realizoi uazari e më pas “Ippon” me hedhje mjeshtërore.
Me të argjendtën në Grand Prix, Laura ka fituar 490 pikë në ranglistën botërore. Dhe do të përparojë për disa pozita në ranglistën e kategorisë deri në 63 kilogramë. Aktualisht është e 12-ta.
Në Grand Prix në Austri po garojnë plot 479 xhudistë nga 59 vende të ndryshme. Të premten u paraqit Fationa Kasapi, që u ndal në luftën e dytë.
Në garat e nivelit Grand Prix, Laura e fitoi të argjendtën e parë. I ka edhe dy të bronzta.
Laura kërkon revanshin ndaj Rafaela Silvas
Laura Fazliu përballet me brazilianen Rafaela Silva në finale të garës Grand Prix në Linz të Austrisë.
Pos që e kërkon të artën në 63 kg, Laura e kërkon edhe revanshin ndaj ikonës braziliane.
Me Silvan, xhudistja kosovare i ka zhvilluar dy luftëra. Dhe i ka humbur të dyja. Fillimisht Silva e mposhti në çerekfinale të Kampionatit Botëror, në qershor të vitit të kaluar. Ndërkohë e mposhti edhe për medalje të bronztë në Grand Slam të Abu Dabit, në fund të nëntorit të vitit të kaluar.
Silva është legjendë e xhudos. Ka medalje të artë olimpike nga Rio 2016, dy tituj të botës dhe shumë e shumë medalje të tjera.
Laura në finale, fiton me superhedhje
Laura Fazliu ka vazhduar me superformë në Grand Prix në Linz të Austrisë.
Në gjysmëfinale e mposhti bindshëm gjermanen Sara-Joy Bauer.
Ndaj saj realizoi fillimisht uazari e më pas me superhedhje siguroi fitore me Ippon.
Laura do të paraqitet në finale të kategorisë deri 63 kilogramë.
Laura me fitore impresive edhe ndaj kroates Cvjetko
Laura Fazliu ka kaluar në gjysmëfinale në Grand Prix në Linz të Austrisë.
Laura ishte bindëse ndaj kroates Nina Cvjetko.
Ndaj saj realizoi fillimisht hedhje për uazari e më pas e mbajti edhe për Ippon.
Laura po garon në kategorinë deri 63 kilogramë.