Fituesja e medaljes së artë olimpike në boks, algjeriania Imane Khelif, ka apeluar në gjykatën më të lartë të sportit kundër vendimit të Federatës Botërore të Boksit për të pamundësuar pjesëmarrjen e saj në Botëror, pa iu nënshtruar fillimisht testimit gjenetik për gjininë.
Gjykata e Arbitrazhit Sportiv (CAS) ka konfirmuar ankesën e boksieres kundërthënëse.
Ajo kërkon të përmbysë vendimin dhe të marr pjesë për Algjerinë në Botërorin e këtij muaji, pa iu nënshtruar fillimit testit për gjininë. Derisa çështja po dëgjohet, CAS-i ka refuzuar kërkesën e Khelifit për të pezulluar vendimin.
“Palët aktualisht po shkëmbejnë parashtresa me shkrim dhe me marrëveshjen e tyre do të caktohet një seancë dëgjimore”, ka njoftuar CAS-i.
Khelifi e fitoi vjet të artën olimpike, mes diskutimeve për të drejtën e saj për të garuar në Lojërat Olimpike të Parisit. Diskutimet kishin të bëjnë me gjininë e saj, pasi Khelif u diskualifikua nga Kampionati Botëror i vitit 2023.
Edhe
Tjetër zhvillim në boksin amator, World Boxing kërkon falje për Imane Khelif
Nga autoritetet që organizuan Botërorin 2023 ishte thënë se testet e kromozomeve seksuale e kishin “shpallur Khelifin të papërshtatshme për të garuar me boksieret e tjera”.
Por Komiteti Olimpik Ndërkombëtar lejoi paraqitjen e Imane Khelifit, pasi fillimisht ia hoqi IBA-së statusin si organizata drejtuese e boksit botëror.
Me ndërhyrjen e Komitetit Olimpik Ndërkombëtar është formuar organizatë tjetër e boksit amator, World Boxing, që e ka bërë të domosdoshëm testin e gjinisë për ato që duan të garojnë në konkurrencë të boksiereve.
Vendimi u mor që në maj, ndërsa u njoftua që Khelifi nuk do të lejohet të garojë pa iu nënshtruar fillimisht testit të detyrueshëm.
Presidenti i World Boxing, Boris va nder Vorst, ndërkohë kërkoi falje që Khelifi u përmend në njoftim, duke thënë se privatësia e saj do të duhej të ishte mbrojtur.
Khelif është dashur të garojë në një turne në Holandë në qershor, por vendosi ta anashkalojë atë.
Edhe
Testi i gjinisë bëhet i obligueshëm në boksin amator, Imane Khelif momentalisht jashtë garave
Kampionati Botëror i organizuar nga World Boxing, organizata që njihet nga Komiteti Olimpik Ndërkombëtar, mbahet prej 4 deri më 14 shtator në Liverpool të Anglisë.
