Shpati Zekaj është ndalur në luftën e dytë në Grand Slamin e xhudos në Abu Dabi.
Zekaj garoi të dielën në kategorinë deri 100 kilogramë. Në xhiron e parë me aksion të bukur e mposhti britanikun Oliver Barrattt. Në xhiron e dytë përballë e kishte holandezin Simeon Catharina.
Ndaj tij zhvilloi luftë të fortë e të barabartë. Në kohën e rregullt nuk kishte pikë, ndërsa në kohën shtesë Catharina fitoi me hedhje për Ippon.
Zekaj ishte garuesi i fundit i Kosovës në Grand Slamin në Abu Dabi. Të premten Distria Krasniqi fitoi medalje të bronztë, ndërsa të shtunën Laura Fazliu u rendit e pesta.
Fitore bindëse e Shpati Zekajt
Shpati Zekaj e ka nisur me fitore bindëse paraqitjen në Grand Slamin e xhudos në Abu Dabi.
Në xhiron e parë të kategorisë deri 100 kilogramë, Zekaj e mposhti britanikun Oliver Barratt.
Ndaj tij realizoi hedhje të bukur për uazari, ndërsa në aksionin e njëjtë siguroi fitoren me Ippon me mbajtje.