Përgatitja e maskës së flokëve me spec djegës, është një mënyrë shumë efikase për t’u dhënë atyre dendësinë dhe shkëlqimin e humbur.
Speci djegës përmirëson ndjeshëm qarkullimin e gjakut në skalpin e kokës dhe parandalon rënien e flokëve.
Megjithatë, në disa raste speci djegës mund të shkaktojë irritim të lëkurës, ndaj AgroWeb.org rekomandon ta provoni një sasi të vogël e nëse vëreni alergji mos e vijoni këtë kurë.
Vlerat e specit djegës për shëndetin e flokëve
Speci djegës përmban kapsaicinë, një përbërës që nëse përzihet me alkoolin përshpejton procesin metabolik në nivel qelizor. Rrënjët e flokut marrin ushqyesit e munguar dhe oksigjenin që nxit rritjen e tyre.
Edhe
Disa mënyra natyrale për përkujdesen e flokëve
Speci i djegës është shumë i pasur me vitamina dhe minerale. Ai përmban: vitaminat A, C, B6, B3, B1 dhe K. Speci djegës është i pasur edhe me kalium, magnez, hekur, acide yndyrore, mangan dhe acid folik.
Sipas të dhënave këto vitamina dhe minerale rigjenerojnë qelizat e dëmtuara, rrisin flokët, ushqejnë qelizat me më shumë oksigjen dhe ruajnë strukturën e flokut.
Maska me spec djegës për shëndetin e flokut
Përdorimi i kësaj maske forcon rrënjët e flokut dhe përshpejton rritjen e tij.
Maska me spec të kuq eliminon zbokthin dhe rikthen në normalitet procesin e rigjenerimit të qelizave. Me përdorimin e saj dhe në varësi të individit, flokët mund të rriten deri në 4 cm në muaj.
Edhe
Katër mënyra si të trajtoni flokët e dëmtuara
Vishni doreza dhe priteni një spec të kuq djegës në copa të vogla dhe përziejini ato me një gotë me alkool të pastër. Mbajini përbërësit në një kavanoz qelqi dhe në një vend të errët për 3 javë. Më pas kullojeni lëngun dhe hiqni të gjitha copat e specit. Merrni një lugë gjelle me lëngun e specit dhe treteni në 10 lugë gjelle me ujë.
Përdorimi i kurës me spec djegës
Aplikimi i tretësirës në flokë kërkon kujdes të veçantë. Në javët e para, kjo maskë duhet përdorur në sasi të vogla. Me të duhet të lyeni vetëm pjesën e rrënjëve dhe më pas ta masazhoni kokën me lëvizje rrethore. Pas vendosjes së maskës, mbështillini flokët me kapuç dushi dhe me peshqir.
Maska duhet përdorur dy herë në javë por nëse përjetoni një ndjesi të fortë nxehtësie e të padurueshme ndaloni menjëherë së përdoruri. Pas aplikimit të maskës dhe mbajtjes së saj për 15 minuta, ju mund të shpërlani flokun tuaj.
Edhe
Lëngu që dietologët rekomandojnë të pini para gjumit për të fjetur më mirë
Kjo tretësirë mund të ruhet për rreth një vit në vend të errët, por trajtimi me të duhet të zgjasë vetëm për 2 javë.
Nëse nuk keni alkool, copat e specit mund t’i përzieni me vaj ulliri por në këtë rast efekti në flokë nuk do të jetë aq stimulues./AgroWeb.org
