Personat që rrisin sasinë e pirjes së alkoolit rrisin edhe rrezikun për kancer, sipas një studimi në Korenë e Jugut, i publikuar të mërkurën në JAMA Network Open.
Studimi zbuloi se njerëzit që rritën sasinë që pinin kishin një rrezik më të lartë për të gjitha llojet e kancerit, përfshirë ata të lidhur me alkoolin, sesa grupi i njerëzve që nuk bëri ndryshime në zakonin e pijes.
Rreziku gjithashtu u rrit për ata që nuk pinin alkool, të cilët ndryshuan zakonet e tyre dhe u bënë konsumues të butë, të matur ose të rëndë, shkroi CNN-i.
“Ky është shembull tjetër i mirë që tregon se ndryshimi i sjelljes mundet të rrisë vdekjet nga kanceri”, tha William Dahut, shkencëtar nga Organizata amerikane për Kancerin.
Studimi përdori të dhënat e mbi 4.5 milionë pjesëmarrësve që ishin mbi 40 vjeç.
Tek ata që rritën sasinë e pirjes nga të qenit jokonsumues, studiuesit gjetën prova të shumta për shkaktimin e kancerit të stomakut, mëlçisë, fshikëzës dhe mushkërive, dhe leukemisë.
Edhe
Vetëm një pije alkoolike në ditë mund të rrisë rrezikun për 10 lloje kanceri
Organizata amerikane e quan konsumimin e alkoolit një nga faktorët kryesor të shkaktimit të kancerit, bashkë me duhanin dhe mbipeshën.
Organizata thotë se alkooli llogaritet shkaktar për 6% të rasteve të kancerit dhe 4% për vdekjet nga kanceri në SHBA.
Sipas Qendrës për Kontrollin dhe Parandalimin e Sëmundjeve, pirja e alkoolit mund ta rrisë rrezikun për shtatë lloje të kancerit në gojë dhe fyt, laring, ezofag, zorrë e trashë, mëlçi dhe gji.
