Revista prestigjioze e modës “Vogue” e ka shkruar një artikull për këngëtaren me prejardhje kosovare dhe famë botërore, Dua Lipa.
Ajo është listuar si e famshmja e përkryer nga e cila mund të inspirohemi për veshje të festave dhe ndejave të fundvitit, dhe ngjarjeve tjera speciale.
Revista madje e quan Lipën, mbretëreshë të modës e cila di si të krijojë pamje unike dhe mahnitëse.
Nga të qenit fytyra e koleksionit “Vjeshtë/Dimër 2021” të markës së njohur të modës Versace, me ç’rast ajo edhe parakaloi në sfilatën e prezantimit të këtij koleksioni nën tingujt e muzikës së saj, pastaj interpretimi mbresëlënës përkrah Elton Johnit e veshur me fustan vezullues të shtëpisë së modës “Balenciaga”, e deri tek ofrimi i një mori dukjesh fantastike, cool dhe seksi ku kishte veshur rroba të krijuara nga disenjatorë me famë botërore dhe stilistë të rinj të shkëlqyeshëm nga e gjithë bota, si Chet Lo, Marshall Columbia dhe Mowalola, superylli 26-vjeçar i popit e ka kaluar një vit të jashtëzakonshëm. Përveç si këngëtare ajo ka filluar që gradualisht të shndërrohet edhe në një ikonë të modës, dhe një personalitet shumë i kërkuar për bashkëpunim nga markat e njohura të veshjeve anembanë botës.
Këto janë 15 veshjet më të veçuara të Dua Lipës, të përzgjedhura nga revista “Vogue”…
{gallery}
