-
Përktheu:
Vita Abrashi-Kajtazi
- 5 qershor 2026 22:45
- Shpërndaje në:
Një pilulë e re që merret një herë në ditë mund të dyfishojë kohën e mbijetesës te pacientët me kancer të avancuar të pankreasit, një nga format më vdekjeprurëse të kancerit, sipas rezultateve të një studimi të ri klinik, ka raportuar The Guardian.
Ekspertët po e cilësojnë ilaçin e ri, daraxonrasib, si një nga përparimet më të rëndësishme në trajtimin e kësaj sëmundjeje në dekadat e fundit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë studimin ku morën pjesë 500 pacientë me kancer të pankreasit që ishte përhapur në pjesë të tjera të trupit, ata që përdorën daraxonrasib jetuan mesatarisht 13.2 muaj, krahasuar me vetëm 6.6 deri në 6.7 muaj te pacientët që morën kimioterapi.
Doktoresha Rachna Shroff, specialiste e onkologjisë në Universitetin e Arizonës, e quajti studimin revolucionar.
“Këto rezultate ndryshojnë rrënjësisht peizazhin e trajtimit. Po shohim nivele mbijetese që nuk i kemi parë më parë”, ka thënë ajo.
Doktoresha ka treguar se u prek emocionalisht kur lexoi rezultatet.
“Pasi kam trajtuar pacientë me kancer të pankreasit për 16 vjet, fillova të qaja. Ky është një studim jashtëzakonisht i rëndësishëm për pacientët tanë”, ka thënë ajo.
Ilaçi vepron duke bllokuar proteinën Kras, e cila nxit rritjen e shumicës së kancereve të pankreasit. Mbi 90 për qind e pacientëve me formën më të zakonshme të kësaj sëmundjeje kanë mutacione në gjenin Kras.
Sipas ekspertëve, kjo qasje mund të hapë rrugën për trajtime të reja edhe për lloje të tjera kanceri, përfshirë kancerin e mushkërive dhe atë të zorrës së trashë.
“Për shumë kohë, pacientët me kancer të pankreasit kanë pasur shumë pak mundësi trajtimi. Fakti që kjo terapi mund të dyfishojë pothuajse kohën e mbijetesës jep shpresë të vërtetë për pacientët dhe familjet e tyre”, ka thënë Paula Hanford, drejtoreshë e organizatës Pancreatic Cancer Action.
Ndërsa Anna Jewell nga Pancreatic Cancer UK ka shtuar se “ky ilaç u ka dhënë pacientëve muaj të çmuar shtesë pranë njerëzve që duan më shumë”.
Megjithatë, sipas ekspertëve sfida e radhës do të jetë sigurimi që trajtime të tilla të bëhen sa më shpejt të qasshme për pacientët në mbarë botën.