Një qytet po ngrihet në ujërat e Oqeanit Indian. Në një lagunë, vetëm 10 minuta me varkë larg nga Male, kryeqyteti i Maldives, po ndërtohet një qytet lundrues, i cili do të ketë kapacitet të strehojë deri në 20.000 njerëz.
I projektuar në formë të trurit, qyteti do të përbëhet nga 5.000 njësi lundruese, duke përfshirë shtëpi, restorante, dyqane dhe shkolla, me kanale që kalojnë në mes. Njësitë e para do të zbulohen këtë muaj, banorët do të fillojnë të lëvizin nëpër të në fillim të vitit 2024, derisa i gjithë qyteti do të përfundojë deri në vitin 2027, raportoi CNN të martën.
Projekti - një sipërmarrje e përbashkët midis kompanisë holandeze të pronave “Dutch Docklands” dhe Qeverisë së Maldiveve, nuk është menduar si një eksperiment i egër ose një vizion futurist: ai po ndërtohet si një zgjidhje praktike për realitetin e ashpër të rritjes së nivelit të detit atje.
Një arkipelag me 1.190 ishuj të ulët, Maldivet janë një nga vendet më të cenueshme në botë nga ndryshimet klimatike. Tetëdhjetë për qind e sipërfaqes së saj tokësore është më pak se një metër mbi nivelin e detit dhe me nivelet e parashikuara që të rriten deri në një metër deri në fund të shekullit, pothuajse i gjithë vendi mund të zhytet në ujë. Por sipas parashikimit, nëse një qytet noton, ai mund të ngrihet me detin.
Kjo është "shpresa e re" për më shumë se gjysmë milioni banorë të Maldiveve, tha Koen Olthuis, themeluesi i Waterstudio, firma e arkitekturës që projektoi qytetin.
"Kjo mund të dëshmojë se ka banesa të përballueshme, komunitete të mëdha dhe qytete normale në ujë që janë gjithashtu të sigurta”, ka thënë Olthuis.
Plane të tjera për qytetet lundruese janë nisur, si Oceanix City në Kore të Jugut, dhe një seri ishujsh lundrues në Detin Baltik të zhvilluara nga kompania holandeze Blue21, por asnjë nuk konkurron me këtë shkallë dhe afat kohor.
Banorët do të lëvizin me varka, mund të ecin, çiklojnë ose ngasin skuterë elektrikë dhe karroca përgjatë rrugëve me rërë.
Qyteti lundrues që ka nisur të marrë formë tashmë ofron hapësirë e cila vështirë gjendet në kryeqytetin maldiv. Male është një prej qyteteve më të mbipopulluara në botë. Më shumë se 200.000 njerëz jetojnë në një hapësirë prej 8 kilometrash katrorë.
.
