Përballja me të ftohurën është e vështirë në çdo stinë.
Disa nga aleatët më të mirë të sistemit imunitar janë vitaminat, mineralet dhe probiotikët.
Një nga ushqimet më të pasura me probiotikë është kosi, i cili sipas ekspertëve është ideal për të luftuar të ftohurën.
Studimet thonë se probiotikët ofrojnë përfitime të forta në zbutjen e simptomave dhe shkurtimin e kohëzgjatjes së të ftohurës.
A mjafton kosi për të luftuar të ftohurën?
Edhe
Cili është më i shëndetshëm kosi i trashë apo gjiza?
Te kosi gjenden dy nga llojet më mirëbërëse të baktereve.
Këto baktere janë të shëndetshme për të gjithë organizmin, gjë që e bën kosin një aleat të njeriut jo vetëm gjatë të ftohurës.
Ekspertët thonë se kosi është padyshim i mirë kundër të ftohurës për vetë faktin se përmban edhe zink.
Ky mineral jo vetëm që forcon imunitetin por edhe shkurton kohëzgjatjen e simptomave të të ftohurës.
Sidoqoftë, sasia e nevojshme e zinkut për të mundur sëmundjen është të paktën 75 miligramë.
Studime të tjera kanë treguar se kur gratë konsumojnë kos çdo ditë për 9 javë, kanë më pak inflamacion në organizëm.
Edhe
Çka i ndodh trupit nëse konsumon jogurt çdo ditë?
E ftohura në vetvete është një reagim inflamator ndaj bakterit.
Sipas ekspertëve, kosi është një ushqim fantastik për t’u konsumuar gjatë të ftohurës dhe jo vetëm.
Ai gjithashtu përmban vitaminë D dhe kalcium që së bashku me zinkun dhe probiotikët ofrojnë ushqyes të rëndësishëm.
Megjithatë, e ftohura nuk largohet vetëm duke ngrënë kos.
Kosi funksionon kryesisht në kombinim me një regjim të shëndetshëm ushqimor.
Kosi është i butë dhe i lëngshëm ndaj mund të konsumohet lehtë në rastet e acarimit të fytit apo bllokimit të hundëve.
Edhe
Është ftohje, grip apo Covid? Si t’i shmangim format më të rënda
Por ekspertët nënvizojnë që njerëzit e prekur nga e ftohura nuk duhet t’i mbajnë shpresat tek kosi si terapia kryesore kundër sëmundjes.
Konsulta me mjekun është kryesorja, bashkë me ushqimin e shëndetshëm./AgroWeb.org
