Një studim i ri nga “Masa General Brigham” zbuloi se ChatGPT është gati 72 për qind i saktë në marrjen e vendimeve mjekësore, duke përfshirë identifikimin e diagnozave të mundshme dhe caktimin e terapive.
Disa kritikë argumentojnë se inteligjenca artificiale nuk bazohet në nevojat reale klinike. Mirëpo, profesori i mjekësisë në Universitetin e New Yorkut, Marc Siegel, ka dhënë përkrahjen për inteligjencën artificiale, ka shkruar FoxBussiness.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Ky studim është nga Journal of Internet Medical Research, dhe ata shikojnë manualin Merck dhe 36 skenarë nga Merck, dhe ata e shikojnë atë nga fillimi deri në fund. Çfarë mund të jetë kjo? Si është puna? Po tani ç'të bëjmë? Cila është diagnoza përfundimtare atje? Sa më e komplikuar të ishte, aq më pak bëri ChatGPT. Është diku midis 60 dhe 72 për qind i saktë”, ka thënë Siegel.
Studimi u krye duke i kërkuar ChatGPT të përcaktonte një diagnozë të mundshme për 36 probleme të ndryshme shëndetësore. ChatGPT në 72 për qind të rasteve dha një diagnozë të saktë mjekësore, duke u bazuar në simptomat që kishte pacienti dhe në të dhënat personale mjekësore të pacientit.
Studiuesit zbuluan se ChatGPT performoi më së miri në diagnostikimin përfundimtar, ku ishte 77 për qind i saktë.
Nga ana tjetër, studiuesit ishin gjithashtu në gjendje të përcaktonin dobësinë më të madhe të ChatGPT – në rastet kur kërkohej të jepeshin diagnoza të ndryshme, duke kuptuar gjitha problemet shëndetësore që mund të tregojnë simptomat e dhënë. Në këtë kategori, chatboti ishte vetëm 60 për qind i saktë. Kur bëhej fjalë për marrjen e vendimeve të menaxhimit klinik, si për shembull, për të kuptuar se me çfarë ilaçesh duhet trajtuar një pacient pas diagnozës së saktë, ishte rreth 68 për qind e saktë.
Siegel përsëri përkrah përdorimin e inteligjencës artificiale.
“Të themi se jemi në një zonë rurale dhe kam problem me diabet e nuk mund ta gjej ndonjë mjek. Inteligjenca artificiale mund të më ndihmojë për të marrë më shumë informata në marrjen e vendimeve. Pra, e shoh pozitive, por mjekët duhet ta kontrollojnë këtë. Nuk është për të zëvendësuar mjekët”, ka thënë Siegel.
Një gjetje jashtëzakonisht e rëndësishme nga studimi ishte aftësia e chatbotit për ta rritur efikasitetin në kujdesin shëndetësor – një domosdoshmëri për profesionistët mjekësorë.
Përgatiti: Vita Abrashi -Kajtazi